(DutchNews) – Ex Minister di Husticia Hulandes Ferd Grapperhaus a ser poni bao proteccion di polis fuerte algun siman pasa pa causa di menasanan serio cu aparentemente ta bini for di cirmen organisa, Het Parool a revela.
E Ministerio Publico (OM) a confirma cu siguridad rond di Grapperhaus a keda maximisa sinembargo no a bisa di unda e menasanan aki a bini. Segun Het Parool, informacion cu a ricibi ta señala un tal “’Bolle Jos’ Leijdekkers (31) ken ta considera un hungador grandi den e trafico global di cocaina y actualmente ta un fugitivo.”
Leijdekkers, ken a ser agrega na e lista nacional y Europeo di personanan mas busca den mei di aña 2022 tambe ta sospechoso di a hunga un rol den e morto y desaparicion di e traficante di droga Naima Jilal den aña 2019 y un labamento di placa di escala grandi.
E menasanan na Grapperhaus ta bini durante un tempo unda Leijdekkers su supuesto partner den crimen Flor Blessers ta tras di un plan pa secuestra e minister di husticia Belgico Vincent van Quickenborne. Den september aña pasa e supuesto sospechosonan, 4 persona di Hulanda, a keda aresta y extradita na Belgica.
Cuerpo policial actualmente ta investigando si tin conexion entre ambos caso. E Ministerio Publico a pone un recompensa di 75,000 euro na cualkier persona cu duna informacion cu resulta den e aresto di Leijdekker.
