(CuraçaoChronicle) – E ex manager di oficina di Volunteer Korps Curaçao, tambe conoci como VKC, a ricibi sentencia di 18 luna den prizon siman pasa, 10 di cual a ser suspendi. E ex tesorero tabatin mas di mita miyon florin cu casi 300 transferencia haci na su cuenta personal di banco.

E homber di 44 aña di edad, a haci esaki pa financia su propio adiccion na wega di placa. Segun e hues, e tabata algo malo cu el a viola e confiansa di e organisacion y e comunidad, cual a resulta den un sentencia mas halto di loke a pidi contra su persona.

Como manager di e oficina, e homber en cuestion mester a prepara y haci pagadonan na creditornan di VKC. Sinembargo, ora di procesa e pagonan aki, e tabata cambia e number di cuenta pa su mesun cuenta di banco of di un amistad di su persona. Pa medio di hinca tur otro detaye corectamente, e tabata mustra cu el a manda e placa na e creditor relevante.

Si un di e creditornan bolbe back pa reclama pagonan cu no a ser haci, e preguntanan y asuntonan aki tabata bay na su persona. Den varios caso, e tabata transferi parti di e placa back for di su mesun cuenta pa siña e organisacion no haya sa di su actonan. E homber a mantene e comportamento aki pa hopi tempo te ora cu e no a paga tino ora di manta un e-mail. Un di e creditornan a puntra dicon el a manda e placa for di su cuenta priva y no di e cuenta cu ta pertenece na VKC. Ora cu e kier a manda e respuesta na e e-mail aki pa e creditor su empleado, el a manda e e-mail na un colega di VKC, ken tabatin mesun fam cu e empleado en cuestion.

VKC inmediatamente a lansa un investigacion interno tocante esaki y e mira cu e manager a horta casi 550,000 florin for di e organisacion. E homber a admiti cu el a horta e placa for di VKC bisando cu el a haci esaki pa “resolve e situacion financiero” den cual e tabata aden. E hues no a keda di acuerdo cu esaki, pa motibo cu segun su persona tabata sumamente cla cu el a usa e placa den weganan di placa.

Ademas di transaccionnan falsifica, a sali na cla durante e huicio cu tambe e tabata otorga invoice falso. E tabata ricibi quotation di cierto compania, di cual e tabata corta e parti ariba unda por mira cu e ta un quotation, y tabata manda esaki como un invoice na otro compania. Ora di revisa e documentonan aki, a resulta cu esaki tabata bisa un invoice ariba pero quotation abao. Ademas, e invoice falsifica tabata bisa cu e suma tabata un calculacion mas o menos, cual nunca ta loke ta aparece riba un invoice real di VKC.