(AP) – Un ex ingeniero di software na Google a ser acusa di horta secretonan di inteligencia artificial for di e compania mientras e tabata secretamente trahando cu dos compania basa na China, e departamento di husticia a bisa diaranson.
Linwei Ding, un nacional Chines, a ser aresta den Newark, California bao 4 acusacion di robo di secretonan federal, cada un castigabel cu 10 aña den prizon.
E caso contra Ding di 38 aña a ser anuncia na un conferencia di American Bar Association na San Francisco cu procurador general Merrick Garland, ken conhuntamente cu otro autoridadnan a adverti varios biaha contra e menasa di spionahe economico Chines y tocante preocupacionnan di siguridad nacional cu avancenan den inteligencia artificial por posee y otro tecnologianan den desaroyo.
“Awe su acusacionnan ta e ilustracion mas recien di e extento cu afiliadonan di companianan basa na China ta dispuesto na bay pa horta innovacion Mericano,” director di FBI Christopher Way a bisa den un declaracion. “E robo di tecnologia innovativo y secretonan for di companianan Mericano por costa trabaonan y tin un consecuencia pisa riba siguridad economico y nacional.” Google a bisa cu nan a determina cu e empleado a horta “varios documento” y a manda e caso na autoridadnan. “Nos tin proteccionnan estricto pa preveni e robo di nos informacion comercial confidencial,” vocero di Google, Jose Castaneda, a bisa den un declaracion. “Despues di un investigacion, nos a haya cu e empleado aki a horta varios documento y nos a manda e caso rapidamente na autoridadnan. Nos ta gradicido cu GBI pa yuda nos proteha nos informacion y lo sigui coopera cu nan di cerca.”
Un abogado nombra como Ding su abogado di defensa no a duna comentario.
