(nltimes.nl) – Ministerio Publico (OM) a agrega labamento di placa na e cargonan contra Frits van Eerd, fuentenan cerca di e investigacion a bisa Financieele Dagblad. E ex director di e cadena di supermercado Jumbo ta wordo acusa caba pa corupcion y falsificacion. E caso criminal contra van Eerd lo cuminsa den dos siman cu un audiencia preliminar na e corte di Assen.
Segun e fuentenan di FD, OM lo presenta e cargo nobo contra Van Eerd durante e audiencia. E abogado di Van Eerd, Robert Jonk, a bisa e corant cu e no ta “confirma ni nenga” cu su cliente awor ta sospechoso di labamento di placa tambe. Labamento di placa habitual tin un sentencia maximo di ocho aña di prizon.
E autoridadnan a haci un entrada hudicial na e cas di Van Eerd na Heeswijk-Dinther, Noord-Brabant, na september 2022. Supuestamente, el a organisa contract di sponsorship den motocross pa su co-sospechoso Theo E. Como intercambio pa entrega di suministro cu tiki of ningun costo. Van Eerd a renuncia como CEO di Jumbo pa motibo di e investigacion criminal contra dje pero a nenga e acusacionnan.
Na april, OM a anuncia cu lo procesa Van Eerd pa korupshon (soborno no-oficial) y falsificacion. Na a momento ey, OM a bisa cu e tabata investigando ainda un posibel cargo di labamento di placa
Segun FD, e cargo di labamento di placa ta bin for di un cantidad masivo di 446,072.60 euro cu e autoridadnan a haya den un caha di seguridad den e camber di Van Eerd, den un saco den su auto y den un caha di seguridad den un tayer riba e tereno di Jumbo durante nan entrada hudicial na september 2022. E abogado di Van Eerd a bisa anteriormente cu e placa ey tin un origen legal. “E tabata relaciona cu un cliente cu a cumpra brommer y auto for di dje y a paga pa nan cu placa cash,” Jonk a bisa e corant.
