Tomás de Jesús Yárrington Ruvalcaba, ex-gobernador di estado Norte di Tamaulipas- Mexico, cu tabata solicita pa autoridad di Mexico pa supuesto conexion cu delito di narcotrafico, lo ser repatria den proximo dianan desde Italia pa Mexico.
Procuraduria General di Mexico a publica cu “detencion di e ex-funcionario a bira posibel pa alerta cora cu Interpol a pone, pa motibo cu Yárrington Ruvalcaba tabatin un orden di detencion cu a sali for di corte di proceso penal federal di Tamaulipas, pa delito di delincuencia organisa, operacion cu placa sushi y otro acusacionnan”.
E politico Mexicano tabata un integrante di e partido cu ta goberna awor na Mexico y awor e ta solicita tambe pa autoridad di Merca. Na aña 2013 Yárrington Ruvalcaba a ser husga pa trafico di droga, fraude bancario, extorsion, labamento di placa y colaboracion cu cartel di Golfo y otro traficante na aña 2013, dilanti un corte federal di Mexico.
“Nos ta pidi autoridadnan pa haci investigacion y interogatorio necesario y pa asina por duna un castigo na e ex-funcionario ey”, partido di presidente Enrique Peña Nieto a publica den un comunicado.
E ex-gobernador tabatin cinco aña fugitivo pa husticia. Autoridadnan tabata duna recompensa te 15 miyon di peso Mexicano, pa algun informacion tocante su paradero.
