Un ex-gobernador opositor na Bolivia a ser condena na 15 aña di prizon pa matanza di 13 indigena na aña 2008, na momento cu tabatin un fuerte division politico na Bolivia, fiscalia a informa.
Ministerio publico a proba e responsabilidad di ex-gobernador di Pando, Leopoldo Fernández, den e caso conoci como ‘Masacre de Porvenir’ y el a keda sentencia pa sinta 15 aña den prizon pa e homicidio di 13 persona”, fiscalia general a bisa den un comunicado.
Fernández ta un importante opositor di gobierno di Evo Morales y el a denuncia cu su huicio tin interes politico, pa tal motibo el a bisa cu lo apela e sentencia.
