Ing. Oslin Boekhoudt, conoci como OJ, a entama un caso recientemente contra WEB Aruba NV, como protesta contra su retiro di dia 11 di juni 2015.
Abogado mr. Arie Swaen a defende interes di e ex director di WEB Aruba N.V. mientras cu abogado mr. Dello Gomez y mr. Bryan Coffie a defende interes di WEB Aruba N.V. E caso a tuma luga diamars ultimo y Corte a keda di dicta un sentencia aki 6 siman.
Hues durante tratamento di e caso a puntra e ex director di WEB kico e kier, pa cual el a contesta cu e kier su trabou bek. E Hues a ripiti e pregunta y el a bisa cu eigenlijk e no kier traha eynan mas. Hues a puntr’e si mester compronde e ora cu e ta bringando pa algo cu eigenlijk e no kier? Di eynan a yega na e conclusion cu e kier un compensacion y no ta interesa mas den e funcion. Mas leu OJ Boekhoudt a acusa Gobierno di infiltracion politico den WEB, cu consecuencia cu a move e pa pone un otro hende den e puesto. Segun 24ora.
Hues a keda di bay studia e caso bon, teniendo cuenta cu e puntonan treci padilanti pa abogadonan di WEB como pa abogado di OJ Boekhoudt pa asina evalua na cua banda e interes ta pisa mas y ta mas vulnerabel. Den tipo di casonan asina tin dos avenida pa explora, sea ta warda 6 siman pa Hues dicta un sentencia, of ta continua negosacionnan na mesa y partidonan mes ta purba di sali afo den un forma amigabel y husto pa ambos.
