(AP) – E ex CEO di e agencia di criptomoneda den bancarota FTX, Sam Bankman-Fried a ser aresta na Bahamas na e peticion di gobierno Mericano, Merca y autoridadnan a bisa dialuna. E aresto a ser haci dialuna despues cu Merca a entrega cargonan criminal den su contra cu ta premira di ser revela riba diamars, segun abogado Damian Williams.
Bankman-Friend tabata bao investigacion criminal di parti di autoridadnan Mericano y na Bahamas despues di e colapso luna pasa di FTX. E agencia a declara bancarota dia 11 di november, ora cu el a keda sin placa. “Nos ta premira cu lo revela mas detaye pronto y eora nos lo tin mas pa conta,” Williams a declara.
Abogado di Bahamas Ryan Pinder a bisa cu Bahamas lo “pronto” extradita Bankamn-Fried na Merca asina cu e autoridadnan di Merca haci un peticion formal. FTX su base ta na Bahamas y Fried a permanece na su hogar lujoso na Nassau desde cu e compania a fracasa.
Un vocero di Bankman-Fried no tabatin comentario dialuna anochi. E tin derecho di nenga e extradicion aki, cual por atrasa pero no stop su transferencia pa Merca. Su aresto ta bini un dia prome cu e mester a testigua dilanti House Financial Services Committee. Rep. Maxine Waters, D-Calif., president di e comite a bisa cu tabata “desapunta” cu e publico Mericano y FTX su clientenan no lo mira Bankman-Fried bao huramentacion.
Tur cos a sosode demasiado lihe luna pasa ora cu reportahenan a cuminsa cuestiona e forsa di FTX su reportahe di balansa. Clientenan a cuminsa tuma accion pa retira biyones di dollar, sinembargo FTX no por a cumpli cu tur e peticionnan pa motibo cu aparentemente nan a usa fondo di e clientenan pa cubri debenan y apuestanan cu Bankman-Fried a haci den su brasa di inversion, Alameda Research.
Bankman-Fried a bisa recientemente cu e no a haci esaki “conscientemente”, y cu e ta kere cu su miyones di cliente pronto lo ricibi compensacion. House of Financial Services Committee te ainda ta premira tende testimonio diamars di e CEO actual John Ray III. Ray, ken a tuma e mando di FTX dia 11 di november y ta un specialista di restructuracion, a bisa den documentonan di corte cu e condicionnan financiero na FTX tabata pio cu na Eron. Autoridadnan di Bahamas tin plan di conduci nan mesun investigacion pa cu Bankman-Fried.
