Stacion Espacial Internacional (ISS) ta celebrando un hit importante, ya cu e laboratorio ta yega na su di 20 aniversario di presencia humano continuo.

Dia 2 di november di aña 2000, e prome tripulacion, e expedicion number 1, a yega ISS. E astronauta di NASA, William Shepherd tabata e prome comandante di e stacion espacial, señalando e caminda pa 20 aña di humano bibando y trahando orbita terestre baho. Desde e prome mision historico, e laboratorio orbital a ser ocupa continuamente door di humanonan.

E ex-astronautanan Anna Fisher, Richard Linnehan, Jack Fischer y Barbara Morgan a comparti nan experiencianan bibando y trahando den espacio durante un panel organisa door di Lynn Sherr pa Viking TV, dia 9 di october.

Desafio di biba den espacio

E stacion espacial ta orbita tereste baho, loke ta nifica cu e astronautanan ta pasa lunanan den microgravedad. Sin embargo, e falta di gravedad, of gravedad cero, por tin efectonan significativo a corto y largo plaso den e astronautanan.

“Bo ta observa diferencianan grandi na bo curpa, specificamente den bo musculonan den e sentido di atrofia bo pianan y bo tin un cambio di likido cu ta pasa unabes bo drenta den un ambiente di microgravedad”, Linnehan a bisa durante e entrevista. El a splica con e fluido den bo curpa normalmente ta reteni door di e gravedad den Tera, pero e ta ser desplasa den parti superior di e torso, e pecho y cabes di un astronaut.

Linnehan a registra mas di 59 dia den espacio, incluyendo 6 caminatanan espacial pa un total di 42 ora y 11 minuut. El a bula den STS-123, cual a entrega e modulo logistico Hapones y e manipulado diestro di proposito espacial Canades, yama Dextre na ISS den maart 2008.

“Tur esunnan cu ta bay espacio, ta sinti nan mes realmente congestiona, ta haya griep masivo durante un par di dia” Linnehan a bisa. Cu tempo, “Bo lo yega na algun tipo di estado stabiel, unda bo curpa lo adapta na su alrededor y bo lo sinti miho, despues bo por continua cu bo tareanan diario.”

Den e ambiente di microgravedad di stacion espacial, e astronautanan ta flota, pa loke “ariba y abou” ta nifica cosnan diferente cu riba nos planeta. Morgan, ken tambe a bula den e ISS na 2007 como parti di e programa di maestro den espacio di NASA, a describi cu el a sinti su mes robes durante e prome dianan den e laboratorio den orbita.

“No tin ariba of abou den espacio” Morgan a bisa. “Unabes bo curpa custuma na e microgravedad, ariba ta unda bo cabes ta”.

E astronautanan tambe ta experimenta cambionan di modo cu e cuminda tin un smaak mas suave, pa loke nan ta prefera alimentonan cu mas pica aden mientras nan ta den orbita. E cuminda special faborito di Morgan tabata e stroganoff di carni, mientras cu e resto di su compañeronan di tripulacion realmente a disfruta di e cocktail di cabaron, el a bisa riba e video. Otro dificultad di biba den espacio ta e desafio di bay baño den microgravedad, cual e astronautanan a compara cu sinta riba un stofzuiger.

E W.C. nobo di espacio ta awo mas eficiente, mas liviano y tambe mas chikito cu e modelonan anterior. Fischer a splica tambe cu e ta mas diseña pa acomoda mas e astronauta femenino y apoya tripulacionnan mas grandi pa misionnan di duracion largo.

Impacto di vuelonan di duracion largo den espacio

E construccion di e stacion espacial a avansa e vuelonan special na permiti misionnan mas largo. Durante e 20 añanan di historia continuo di ocupacion humano, NASA a keda studia con biba den microgravedad ta afecta e astronautanan den preparacion pa misionnan cu tripulacion pa bin bek despues di un luna y biaha den futuro na Mars of mas leu.

Si ta consciente cu e misionnan espacial mas largo tin un impacto riba e curpa humano den varios forma, cu ta inclui cambionan den e structura y funcion di e celebro di e astronautanan, e vision, e celulanan di musculo cardiaco y e diversidad di bacteria den intestino. Biba y traha den microgravedad durante periodonan largo tambe por provoca un perdida di masa muscular.

“Nos ta tratando di mehora pa mantene e curpa humano y e sistema humano funcionando te Mars y bin bek” Fischer a bisa riba. “ Den un vuelo di corto duracion den e stacion espacial, probablemente bo lo por scapa sin haci un ehercicio di resistencia y resistencia di halto impacto y regresa mundo bek y tambe cu bo wesonan ainda lo ta bon. Si bo hacie durante un tempo largo di vuelo, bo lo bin bek cu un 20% menos di dañonan den weso. Por lo tanto, nos ta militante entre 2 y 2,5 ora di ehercicio pa dia, suplementonan di vitamina D y cambionan den e comprension visual.”