Presidente di Bolivia, Evo Morales a bisa cu henter mundo sa cu Chile a invadi di forma permanente nan pais bisiña, y asina el a marca un capitulo nobo di enfrentamento cu La Moneda.
“Dias cu a pasa mi a bisa cu 14 februari tabata dia pa cuminsa e invasion. Chileno a rabia y a bisa cu Evo ta agresivo, pero nan por bisa cualkier cos y ningun hende ta lubida, henter mundo sa cu Chile a invadi hopi pais bisiña manera Bolivia, Argentina y Peru” Evo Morales a bisa.
Morales a bin di su gira pa Europa bek, y a dispara conta La Moneda y canciyer di Chile Heraldo Muñoz, caminda a acusa na gobierno Chileno di invadi Bolivia. “Den pasado gobierno di Chile no tabata kere cu nos lanta nos vos cu berdad. Awe nos ta acusa di agresion y inherencia pero no ta papia di invasion”, Morales a skirbi riba twitter.
