Segun indicador di Banco di Seguro Social (SVb), aña pasa e cantidad di dia promedio di AO a aumenta compara cu añanan anterior.
Director di SVb, sr. Edwin Jacobs a declara na Bon Dia Aruba cu e factor aki semper ta depende di e aña tambe. Esta si tabatin cierto epidemianan cu por a momentaneamente un aumento di e cantidad di dianan di AO.
Por lo general mayoria di notificacion di AO ta uno cortico, pero ta malesanan largo. P’esey a wordo registra un promedio di 9.28 dia di duracion di AO pa aña na 2015.
E aña aki nan ta bay monitor kico ta bay pasa cu e problematica di Zika, Dengue y Chikunguya cu ta esun cu por duna “mas dolor di cabes”, segun sr. Jacobs. Te ainda ta prematuro pa determina e efecto di Zika riba absentismo laboral.
El a laga sa cu e aumento di e promedio di dianan di absentismo laboral registra aña pasa, eventualmente e por ta debi na malesa transmiti pa e sangura “Aedes aegypti”.
