E aña aki Stichting Frank Polanco a tene un evento titula ‘The Run, a 100 Miles for a better future’. “Pa motibo nan di e temperatura asina halto riba dia di e evento , lamentablemente nos a core solamente 104km di e km cu nos kier a core. Pero den e tipo di retonan aki nada no ta sigura”, e fundacion a bisa den un comunicado.
“Di tur manera e evento a dura 16 ora y a core 104km, den un temperatura averahe di 32 grado e atardi /anochi/mainta di 28 pa 29 di september 2019 .
Y nos a recauda fondo pa nos muchanan. E aña aki nos a recauda Afl 4,000.- pa nos muchanan cu e evento.
Nos kier a gradici un y tur cu a pone man na nan curason y yuda nos mucha nan cu nan donacion. Nos kier a gradici Sr. Gobernador di Aruba pa haci e start schot pa nos, y tambe Sr Edjean Semeleer.
Nos kier a gradici e companianan cu a bin dilanti y duna nos e sosten necesario pa haci e evento aki posibel: Ray’s Water, Florsheim, La Moderna, Heart Radio y tambe Garage Cordia, Cuts & Curves Aruba, Arends Inspection.
Masha Danki pa yuda nos yega na comunidad di Aruba”, e comunicado ta finalisa.
