(CNN) – Prome cu Rusia a lansa su invasion na gran escala na Ucrania, hopi pais, incluyendo Kyiv, tabata mustra indiferente na e posibilidad cu un guera lo bin back na Europa. Mas di dos aña despues, otro cambio ta produciendo, algo antiguo, den relacion cu servicio militar obligatorio.
Varios pais Europeo a reintroduci of amplia e servicio militar obligatorio debi na menasa creciente di Moscu, como parti di un serie di politica destina na reforsa e defensa cu probablemente ta bay amplia ainda mas.
“Nos ta ripara cu kisas nos lo mester modifica nos forma di mobilisa pa e guera y di produci material militar, asina como recluta y train nos personal,” Robert Hamilton, hefe di investigacion di Instituto di Investigacion tocante Politica Exterior, cu tabata oficial di ehercito Mericano durante 30 aña, a sigura.
“Ta algo tragico cu na 2024 nos ta akinan, nos ta lidiando cu cuestion manera con mobilisa miyones di persona pa despues nan lo ser lansa un guera probable, pero akinan ta na unda Rusia a pone nos,” el a bisa.
E riesgonan di un guera mayor na Europa a bin aumentando despues cu presidente di Rusia, Vladimir Putin “finalmente a busca un conflicto habri” na Ucrania, persiguiendo su obhetivo di “recrea un imperio Sovietico,” general Wesley Clark, ken a sirbi como Comandante Supremo Aliado di NATO a comenta.
Varios pais a suspende servicio militar obligatorio despues di Guera Friu, pero varios nacion, a reintroduci back den ultimo añanan, esaki gran parti debi na menasa Ruso. No afilia na dje ta nifica multanan of incluso castigo di prison den algun paisnan.
Letonia ta e ultimo pais den implementa servicio militar obligatorio, e cual a ser reintroduci 1 di januari di e aña aki, despues di su eliminacion na 2006. Ciudadanonan hende homber ta bay registra den siguiente 12 luna despues di haci 18 aña.
Na april, Noruega a presenta un plan na largo plaso cu casi ta bay duplica e presupuesto di defensa di e pais y ta bay agrega mas di 20.000 soldaat na forsa arma. E reclutamento na Noruega ta obligatorio y na 2015 a bira e prome miembro di aliansa defensivo di NATO ora ta recluta hende homber y hende muhe den igualdad di condicion.
E debatenan riba servicio militar obligatorio tambe a tuma luga na otro paisnan Europeo cu no ta exigie. Na Reino Uni, conservadornan a plantia e idea di servicio militar den un campaña electoral.
Debi cu servicio militar obligatorio ta sigui keda un topico impopular den algun paisnan, NATO tin dificultadnan pa cumpli cu un obhetivo nobo di tin 300.000 efectivo cla pa ser activa den un plaso di un luna y otro mey miyon mas disponibel den seis luna.
