Etnicidad ta hunga un rol den depresion, diabetes y problema cardiovascular, segun investigadonan na Amsterdam

(NLTimes)—Etnicidad ta hunga un rol den e diferencia entre e salud di residentenan na Amsterdam. Residentenan cu etnicidad mas diverso tin mas probabilidad di experencia depresion, diabetes, problemanan cardiovascular of peso no saludabel. Mientras cu personanan cu un descendencia Hulandes so tin mas probabilidad di ta bebedo, segun un estudio grandi pa Amsterdam UMC y e GGD den e ultimo decada, Parool ta reporta.

Por ehempel, 1 den 5 Turco-Hulandes na Amsterdam tin sintomanan di depresion, compara cu e 1 den 20 residentenan cu un descendencia Hulandes so. Malesanan cardiovascular ta mas comun den personanan cu descendencia Ghanes of Hindu. Casi un tercer di Turco-Hulandes y Ghanes-Hulandes ta extremamente sobrepeso, compara cu e decimo di hende cu descendencia Hulandes so.

Tin algun descubrimento di mas cu 150 estudio conduci den e proyecto di “Healthy Life in an Urban Setting (Helius)” den e ultimo 10 añanan. Helius ta un colectivo di investigacion di Amsterdam UMC y e municipal di servicio di salud GGD na Amsterdam. Diahuebs e investigadonan lo tene un simposio den e Tolhuistuin tocante e resultadonan di e proyecto, incluyendo cambionan den e guia medico pa diabetes y mas conocemento den e desaroyo di depresion.

“Depresion, por ehempel, no ta solamente comun entre ciudadanonan di Amsterdam naci na Turkia, pero tambe den nan yiunan naci na Hulanda,” segun investigado Anja Lok a conta Parool. “Esaki ta parcialmente pa via di e posicion socio-economico abou y e experiencia grandi di discriminacion.”

Caracteristicanan individual ta hunga un rol si un persona desaroya depresion, pero tambe e pais cu bo ta biba aden y e contexto social. Por ehempel, un persona cu un predisposicion pa tristesa porta no ta desaroya depresion danki na contactonan social di balor y inclusividad den sociedad, mientras cu un persona sin e predisposicion por bira depresivo pa via di soledad y exclusion.

“Den pasado, psikiatria a pensa cu tin un solo causa directo pa depresion, pero e proceso ta mucho mas complica,” segun Lok. E microbiome di un persona—un variedad grandi di bacteria,virus y yeast den bo tripa—tambe tin un influencia riba depresion. “E conexion ta independiente di etnicidad of migracion; nos a wak esaki den tur populacion.”