(NLTimes)—E resultadonan di un estudio grandi riba screening di cancer di tripa mas precisa ta mustra optimista. E test nobo ta detecta mas etapanan preliminario di cancer den e ontlasting, cual a ser conduci bao direccion di e instituto Antoni van Leeuwenhoek. E cientificonan ta spera cu esaki lo resulta den menos hende desaroyando cancer di tripa y di e manera aki menos morto causa pa e malesa aki.
E test nobo ta midi tres proteina den e ontlasting cu hende ta entrega pa screening di poblacion. E test actualmente den uzo ta midi solamente un proteina. E estudio ta compara e dos testnan den mas cu 13,000 hende. E test nobo a detecta abnormalidadnan den 299 hende, compara cu solamente 159 cu e test actual.
“E test nobo ta detecta polipo mas grandi,” segun investigado Gerrit Meijer for di e Nederlands Kanker Instituut (NKI) a splica. “Esaki ta nifica cu no tin mas resultadonan “positivo falso”, cual por resulta den hende hayando examinacion di tripa sin cu mester.” Si un dokter ta na haltura di esaki mas trempan, nan por kita e poliponan prome cu nan bira canceroso.
Na Hulanda, e test nobo aki por resulta cu cancer di tripa ta desaroya den 21% menos hende, e investigadonan a calcula. Esaki lo nifica tambe cu 18% menos hende por muri di e malesa. No mester cambia nada significante den e screening di poblacion actual: e test nobo no ta rekeri mas uzo di ontlasting cu por fit den un tubo chikito cu participantenan na Hulanda ya ta mandando via post.
Prome cu e test por ser uza, e mester ser produci prome den cantidadnan grandi, cumpliendo cu liñanan di guia Europeo. E Rijksinstituut voor Volksgezondheid en Milieu (RIVM) y e conseho di salud tambe mester duna un opinion oficial riba e test nobo. Despues e ministerio di salud mester tuma un decision final.
