(CCN) – Personanan cu diabetes tipo 2 mester bay gym atardi en bes di mainta pa por controla nan sucu den sanger, un estudio nobo descubri.
Un ekipo di investigadonan di Brigham y Joslin Diabetes Center a studia informacion di mas di 2.400 persona cu tabata sobrepeso y a keda diagnostica cu diabetes tipo 2, y cu tabata uza un aparato pa registra aceleracion di cintura – algo cu ta mehora vibracion of aceleracion di movemento—pa mehora nan actividad fisico.
“Den e estudio aki, nos a mustra cu adultonan cu diabetes tipo 2 tin e miho control di sucu ora nan tabata mas activo atardi,” e autor corespondiente, Dr. Jingyi Qian, for di Division di Soño y Desordennan Circadia na Brigham and Women’s Hospital na Massachusetts, a bisa den un declaracion.
Despues di revisa informacion for di e prome aña di e estudio, investigadonan a haya cu esnan cu tabata haci actividad fisico “modera pa vigoroso” den atardi tabata tin e reduccion mas grandi den nivelnan di glucose den sanger.
Segun e School of Public Health di Harvard, ehempelnan di actividad “modera” ta inclui canamento suave, cortamento di yerba cu un “power mower” y hungamento di badminton pa regresion, mientras cu actividad “vigoroso” ta inclui canamento intenso, “jogging”, hunga basketball of futbol, of coremento di bais na un velocidad di 22-25 kilometer pa ora.
Ora nan a mira e resultado for di e cuarto aña di e estudio, e ekipo a haya cu esnan cu a haci ehercicio atardi a mantene un reduccion den nivelnan di glucose den sanger, y tabatin e posibilidad mas grandi di por stop di tuma meditacion pa baha glucose den sanger.
Diabetes tipo 2 ta e tipo di diabetes mas comun, y ta sosode ora cu e curpa bira resistente pa insulina of no ta produci suficiente insulina, segun e Organisacion Mundial di Salud. Usualmente esaki ta wordo concentra den adultonan, y ta asocia cu edad avansa, sobrepeso, historia di famia, inactividad fisico y rasa/etnicidad.
Hende cu diabetes ta na riesgo di complicacion manera daño na nervio, problemanan di bista y oido, malesa di riñon, enfermedad di curason y morto prematuro.
E autornan di e estudio ta menciona cu e estudio observacionnan tin limitacionnan, pasobra nan no a midi ora di drumi of come.
“Ta parce cu tempo ta importante,” Dr. Roeland Middelbeek a bisa, ken ta investigado assistent na Joslin Diabetes Center. “Den futuro, nos por tin mas datonan y evidencia experimental pa duna recomendacion personalisa na pashentnan.”
E resultadonan di e investigacion a wordo publica den revista Diabetes Care.
