(NLTimes)—Pildonan pa dolor pisa manera oxycodone no ta traha pa dolor di nek of di lomba. En realidad, nan tin impacto negativo riba salud di pashent pa via di nan naturalesa adictivo y e efectonan severo cu e medicamento por causa, segun un estudio pa Universidad di Sidney na Australia y Erasmus MC na Rotterdam.
E investigadonan a investiga e efectonan di e medicamento riba aproximadamente 350 pashent cu recien a cuminsa haya dolor di lomba of nek. Un grupo a ricibi un pildo cu ta contene opium, y e otro un pildo placebo. Despues di seis siman, ambos grupo tabata experencia e mesun nivel di dolor. Despues di un aña, e usuarionan di e pildo opiaceo tabata mas pio cu e usuarionan di e pildo placebo. Un tercer di usuario di e pildo opiaceo a experencia al menos un efecto manera mareo of constipacion
Segun investigado Bart Koes, aproximadamente un miyon hende na Hulanda tin problema cu lomba of nek y ta uza un forma di pildo pa dolor pisa pa trata esakinan. “Opioide di berdad no ta haci nada mas cu un placebo. Pues nos mensahe ta cu dokternan mester laga e droga aki pa ultimo opcion ora ta trata kehonan di dolor.”
Pashentnan por beneficio hopi mas for di bon informacion, Koes a bisa. “Nos ta conseho hende cu problema di lomba of nek pa continua nan ehercicio di tur dia, manera ciclismo, canamento of landamento, mas hopi posibel y posiblemente tambe bay serca un fisioterapista. Esey ta duna hopi alivio.”
E investigadonana tambe ta urgi pa e liñanan di guia pa uzo di opioide pa dolor muscular ser modifica pa conseha contra e uzo di pildonan pa dolor pisa. Ta miho pa dokter prescribi paracetamol, Koes ta bisa. “Kisas esey tambe no lo tin hopi efecto compara cu un placebo, pero e efectonan si lo ta mas agradabel cu pildonan opiaceo.”
