(NLTimes)—Hende muhe mester warda al menos tres luna despues cu a stop di tuma pildo contraceptivo prome cu nan purba sali na estado, segun investigadonan di Radboudumc na Nijmegen. Nan estudio ta sugeri cu embarasonan cu ta sosode dentro di e prome tres luna despues cu a stop cu pildo contraceptivo tin tiki mas chens pa experiencia complicacionnan, Trouw ta reporta.
E investigadonan a analisa 7.000 embaraso. Di esey, un total di 1.050 a sosode dentro di tres luna despues cu e mama a stop di tuma pildo contraceptivo. E 1.050 embarasonan ey a experencia complicacionnan mas frecuente, manera preeclampsia, segun investigado y ginecologo Marc Spaanderman.
Na Hulanda, casi 3% di hende muhe ta experiencia preeclampsia. E estudio a descubri cu e riesgo ta casi 30 pa 40% mas halto pa esnan cu a cay na estado dentro di tres luna despues cu stop cu pildo contraceptivo. “Na final, bo ta papiando tocante un chens di casi 4% pa hende muhe cu ta cay na estado dentro di tres luna,” Spaanderman a conta Trouw. Esey ta un riesgo limita ainda, pero preeclampsia por ta hopi peligroso, specialmente den e prome fasenan di embaraso.
Nacemento prome cu termo ta un poco mas comun cu peso abou den baby recien naci—pero esey ta aplica pa hende muhe cu a tuma e pildo prome cu a sali na estado. E motibo pakico esaki ta sosode no ta claro, pero cientificonan ta sospecha cu e ta relata cu e hormoonnan di e pildo cu ta tuma tempo pa sali for di curpa completamente.
“Esaki ta numbernan chikito,” Spaanderman a subraya. “Pero ta suficiente pa pensa riba esaki. Si bo kier sali na estado, ta miho bo warda un tiki; al menos tres luna despues cu bo stop di tuma pildo contraceptivo.” Usa otro tipo di contraceptivo tanten, manera condom.
