Dr. Andre Kalil, of the University of Nebraska Medical Center, speaks in Omaha, Neb., Tuesday, Feb. 25, 2020. Dr. Kalil, Kalil, who will oversee a clinical trial of the coronavirus at the medical center, said the study developed quickly in response to the virus outbreak that is centered in China. Patients who are hospitalized with the COVID-19, the disease caused by the virus, will be eligible to join the trial if they have at least moderate symptoms. (AP Photo/Nati Harnik)

E prome estudio clinico na Merca pa un posibel tratamento pa coronavirus ta andando na Nebraska, y ta spera cu eventualmente lo inclui 400 pashent na 50 sitio rond mundo, oficialnan a bisa diamars.

Mita di e pashentnan den e estudio internacional lo ricibi e medicina antiviral remdesivir mientras e otro mita lo ricibi un placebo. Varios otro estudio, incluyendo esun evaluando e mesun remedi, ya ta andando internacionalmente.

Dr. Andre Kalil, kende lo supervisa e estudio na Centro Medico di Universidad di Nebraska, a bisa cu e estudio clinico a ser desaroya rapidamente como respuesta na e brote viral cu a origina na China. Pashentnan cu ta hospitalisa cu COVID-19, e malesa causa pa e virus, lo ta eligibel pa join e estudio si nan tin al menos sintoma modera.

“E meta ta pa yuda e hende cu mas tin mester”, Kalil a bisa.

Diescuatro persona kende a ser evacua di un crucero na Hapon ta ricibiendo tratamento na e Centro Medico di Universidad di Nebraska. Diesdos di nan a test positivo pa COVID-19.

No tin otro tratamento of vacuna proba pa e virus nobo y misterioso, cu ya a infecta mas di 80mil persona globalmente y a cobra bida di mas di 2,700, cu e mayoria di caso na China.

Dokternan ta duna pashentnan likido y analgesico pa purba di alivia e sintomanan, cu por inclui keintura, tosamento y falta di rosea. Den casonan cu ta severamente malo, dokternan ta usa ventilador pa yuda nan hala rosea of mashin cu ta pomp y oxigena nan sanger pafo di e curpa, aliviando e carga riba curason y pulmon.

Al menos dos estudio cu pashent ya ta andando na China, incluyendo e otro estudio cu remdesivir, cu ta traha pa Gilead Sciences, y otro cu ta test un combinacion di droga pa HIV conteniendo lopinavir y ritonavir.

Den un plan di investigacion publica luna pasa, Organisacion Mundial di Salud (WHO) a bisa cu remdesivir tabata considera ‘e candidato mas prometedo’. A usa e remedi aki brevemente riba algun pashent di Ebola na Congo prome cu e estudio ey a stop. Pero WHO a cita estudionan di laboratorio cu ta sugeri cu lo por ta capaz di combati SARS y MERS, cu ta ‘primo’ di e virus nobo.

Gilead a provee e droga pa uso den cantidad chikito di pashent, incluyendo un homber den estado di Washington cu a bira malo despues di un biahe na Wuhan, e ciudad Chines den centro di e brote. E no ta den hospital mas, pero no ta cla si remdesivir a yud’e.