(AP) – Mars por ta yen di awa bao su superficie, cu suficiente awa scondi den e crack di awanan bao tera pa forma un oceano global, investigacion nobo ta sugeri.
E resultadonan publica dialuna ta basa riba medidanan seismico di NASA Mars InSight Lander, cual a detecta mas di 1,300 masquake prome cu el a cera dos aña atras.
E awa aki, cual aparentemente ta 7 pa 12 mia bao tera, mayoria lo a probablemente zink for di e superficie biyones di aña atras ora cu Mars tabatin riu y posiblemente oceano, segun e cientifico lider, Vashan Wright di University of California San Diego Scripps Institution of Oceanography.
Djis paso awa te ainda ta den Mars esaki no ta nifica cu tin bida riba dje, Wright a comenta. “Na luga di esaki, nos resultadonan ta nifica cu tin ambiente unda posiblemente por habita,” el a splica den un email.
Su ekipo a combina modelnan di computer cu InSight su medidanan incluyendo e velocidad di e teremotonan ora di determina cu awa ta e splicacion mas posibel. E resultadonan a aparece dialuna den Proceedings of the National Academy of Sciences.
Si InSight su sitio na Elysium Planitia alrededor di Mars su equator ta representante di e resto di e planeta cora, e awa bao tera ta suficiente pa yena henter un oceano global cu ta 1 of 2 kilometer den profundidad, Wright a comenta.
E lo tuma excavacion y otro ekiponan pa confirma e presencia di awa y busca cualkier señal potencial di bida di microbio.
Aunke InSight lander no ta traha mas, cientificonan ta sigui analisa e data cu el a colecta for di 2018 te cu 2022, den buskeda di mas informacion tocante Mars su interior.
