(NewYorkPost)—E rapport, cual a wordo publica den revista Neurology diaranson, ta sugeri cu ambos tipo di dolor di cabes tin un conexion cu e sistema circadiano—e patronchinan fisico, mental y di comportacion cu ta sosode den un ciclo di 24 ora.

Migraine ta un tipo di dolor di cabes cu ta aparece hopi, y por ta modera of extremamente doloroso, y esaki por dura entre 4 pa 72 ora. Esaki tambe sa afecta hende muhe tres biaha mas cu hende homber, segun e Instituto Nacional di Salud na Merca (NIH).

Dolor di cabes teribel ta esun mas experencia y tin tres biaha mas chens di afecta hende homber, NIH a reporta. Esaki sa dura cortico y ta wordo acompaña cu congestion den nanishi.

E holoshi circadiano di un persona ta dicta e tempo pa hopi funcion di e curpa, entre otro e ciclonan di drumimento, actividad di hormoon, ritmo di temperatura corporal y comemento.

Un meta-analisis nobo—un analisis estadistica cu ta uza investigacionnan den pasado—a investiga e temporada di tur aña pa dolor di cabes y e genes y hormoon cu ta asocia cu e holoshi circadiano. Investigadonan a descubri cu entre 16 diferente estudio, 71% di e 4.953 participante tabatin un patronchi circadiano predominante di dolor di cabes teribel.

Mayoria di e dolor di cabes aki a sosode den oranan di anochi pa oranan trempan di mainta y den e temporada di lente y herfst. Ora nan a mira e genes, nan a descubri cu dolor di cabes teribel tabatin conexion cu dos genes circadiano mayor, y cinco di e nuebe genes tabatin un patronchi circadiano.

A descubri cu participantenan cu a experencia dolor di cabes teribel tin nivel di cortisol mas halto y nivel di melatonin mas abou compara cu personanan cu no ta sufri di dolor di cabes teribel.

Migraine tin un conexion menos fuerte cu e ritmo circadiano compara cu dolor di cabes teribel, pero a descubri cu esaki tambe ta wordo influencia pa e holoshi interno di e curpa.

E dolor di cabes frecuente tambe tabatin conexion cu dos genes circadiano importante, y 110 di e 168 genes tabatin un patronchi circadiano.

Hendenan cu migraine tabatin nivel di melatonin mas abou den nan orina compara cu hende sin migrain—y es nivelnan ey a baha mas durante un atake di migraine.

“E data ta sugeri cu ambos di e malesa di dolor di cabes ta circadiano riba varios nivel, specialmente dolor di cabes teribel,” segun Mark Joseph Burish, M.D., Ph.D., ken ta e autor di e estudio na Centro di Ciencia di Salud na Universidad di Texas y ken ta un miembro di e Academia Mericano di Neurologia.

“Esaki ta subraya e importancia di e hypotalamo—e area di e celebro na unda e holoshi biologico ta situa—y su rol den dolor di cabes teribel y migraine. Esaki tambe ta provoca e pregunta roba e genetica di e atakenan.”

Expertonan a nota cu e investigacion aki ta sugeri cu tratamento basa riba e holoshi circadiano—manera tumamento di medicacion na cierto momento di dia—mester wordo explora pa malesanan di dolor di cabes.