“The Force awakens”, e di shete version di e saga di Star Wars a habri e fin di siman aki na Merca y hopi otro pais den henter mundo manera aki na Aruba, kibrando record di audiencia y generando cantidadnan epico di placa pa Hollywood. Den solamente su prome fin di siman, a ingresa $529 miyon na entrada den henter mundo. Of tambe 21 mil auto Toyota Camry.
Y ainda expertonan ta corda, e film ainda no a wordo estrena na China, pais tradiconalmente aheno na e fiebre riba Star Wars, pero cu awe ta e gran mercado pa explota pa studionan cinematografico di henter mundo. Prome cu e aventura intergalactico, e corona di e estreno mas grandi tabata coresponde na Jurassic World, cu $529 miyon den su prome fin di siman.
