(AP) – Durante e añanan recien, Jonny Griffis a inverti miyones di dollar den su hardin elgan di marijuana den Michigan, cual ta produci extracto pa ser usa den gummy bears y azetanan pa vape.
Sinembargo actualmente e hardin aki, manera hopi otro den estadonan cu a legalisa marijuana, ta enfrentando un menasa pa su existencia. Componente di cannabis cu ta bini no di e industria regula di marijuana, sino di un proceso kimico cu ta usa un tipo cu ta regula di manera menos estricto y ta mas barata pa mantene.
“E ta bay haci cu nos hardin no lo por genera ganashi mas,” Griffis, hefe na True Noth Collective a testigua dilanti Michigan su Marijuana Regulatory Agency recientemente. “E 3 miyon dollar of mas cu mi a inverti, lo ser perdi.”
Na e centro di e problema ta THC, marijuana su componente entoxicante. Mientras cu marijuana y hemp ta e mesun planta, cannabis, cual ta e distincion entre nan dos, ta esun legal, y ta depende di e cantidad di THC den e planta, specificamente e cantidad di e tipo THC yama delta-9.
Hemp ta defini den ley federal pa su contenido abao di delta-9 THC y tradicionalmente ta usa pa cuminda, paña y aplicacion industrial. “Rope not dope” tabata un lema pa esunnan cu tabata boga pa e legalisacion di hemp.
Sinembargo, desde cu Congreso a aproba e ley den aña 2018 unda cu a legalisa plantashi di hemp den henter e nacion di acuerdo cu e estado su programa di licencia tribal, tabatin un consecuencia cu nan no a premira, cual tabata e hecho cu hendenan a cuminsa explota loke nan ta mira como un buraco den e ley unda cu nan ta tuma e hemp aki, extrae un componente cu no ta entoxitante yama CBD, cambia esaki cu kimico y crea varios tipo di THC.
Diferente na e droga completamente artificial y hopi biaha peligroso conoci como K2 y Spice, y yama “marihuana sintetico” e THC kimico aki ta consisti di moleculasnan cu ta ser haya naturalmente den cannabis, aunke tin biaha den cantidadnan sumamente baho. E ta hopi mas barata pa produci THC pa medio di kimico for di hemp cu saca esaki for di marihuana.
