(G1/Globo) – Estado Brasileño Ceará (noreste) a registra 470 homicidio na luna di november, mayoria di nan (308) na e capital estatal Fortaleza y e region metropolitano. Tabatin aumento di asesinato den cada region di e estado, compara cu luna di november aña pasa. E cifranan a keda divulga pa Secretaria di Seguridad di Ceará. E estado tin aproximadamente 9 miyon habitante y tin un tasa di homicidio di riba 50 pa cada 100.000 habitante.
E datonan oficial di gobierno estatal ta mustra un total di 4.681 homicídio, di januari te cu november; 51% mas cu e mesun periodo di aña pasa, cu tabatin registra 3.087 morto violento.
Entre e homicidionan cu mas a shock e coumunidad tin e asalto na e centro socio-educativo Martir Francisca na Fortaleza, unda hombernan arma a invadi e local y a hiba cuatro hoben pafo y a mata nan; supuestamente nan tabata integrante di un grupo rival.
HomicIdio pa region
Fortaleza ta continua como e region mas violento di Ceará cu 184 morto na november y 1.800 pa e aña te awor. Aña pasa e cantidad di morto violento na Fortalea tabata 920 di januapa november, practicamente un duplicacion di e cantidad. Den e ranking di violencia ta sigui e Region Metropolitano, cu 124 homicidio na november y 1.166 pa e aña.
