Presidencia di Donald Trump ta hasta afectando ciudadanonan di Merca riba un nivel mas personal. Pa Gayle McCormick esaki ta particularmente fastioso: el a separa di su esposo despues di un matrimonio di 22 aña. Sra. McCormick ta un pensioenado – ex guardia di prizon na California – y ta bisa di no por a kere cu su casa tabata di bay vota pa Trump. Esaki tabata un revelacion cu pe tabata e decision final pa termina nan matrimonio.
“Esaki a habri areanan entre nos cu nunca mi a yega di enfrenta. Mi a realisa con leu mi a bay den bida pa accepta cosnan cu nunca mi lo accepta tempo mi tabata mas jong,” e ta bisa.
Politica y relacion
Desde cu Donald Trump a ser huramenta como di 45 presidente di Merca, e pais a conoce un cantidad di protesta y marcha contra esaki como tambe un serie di controversia rond e leynan nobo cu el a caba di pasa. Hopi hende a mustra tog di accepta e presidente pero otronan ta sigui marcha contra su administracion. Banda di esaki, Reuters/Ipsos tabata tin un encuesta di 6,426 hende, haci entre 27 di December 2016 pa 18 di Januari 2017. E encuesta aki a mustra cu amigonan y miembronan di famia cu a discuti tocante politica a subi cu 6%, desde un encuesta prome cu e eleccion durante e campaña na October, a subi na 39% for di 33%. A mustra cu 16% di hende ta bisa cu nan a stop di papia cu un miembro di famia of amigo pa motibo di e eleccion.
Fuente: Independent.co.uk
