E luga nobo cu e kiosconan a keda cla. Dialuna e desaroyado di e proyecto a entrega esaki na gobierno. Costo di e proyecto aki ta 2 miyon florin, paga cu placa for di fondo di desaroyo, FDA.
E fondo aki tin placa di Aruba y Hulanda. Encarga cu e proyecto tabata Albo Aruba. Tur esnan cu tin permiso pa un kiosco tin su espacio garantisa den e edificio moderno, dilanti waf di Playa. “Di e forma aki nan tin continuacion di nan negoshi den un forma hopi mas husto”, segun prome minister Mike Eman durante e apertura ayera.
“E kioskeronan cu no tabatin un futuro mucho prometedor, awe nan tin un kiosco husto na e nivel di desaroyo, unda cu di esun di mas chikito te na esun di mas grandi tin oportunidad igual den e pais aki, asina e mandatario a bisa.
