Esfuerso di vacunacion no ta funciona cu e presencia di e variante “Delta”

(AP) – Mientras cu caso nan ta bahando y estadonan ta cuminsa habri un biaha mas, e potencialmente fase final di e campaña di U.S pa deshaci di COVID-19 ta mustrando cada biaha mas y mas dificil, mirando cu un variante preocupante ta garando mas forsa y e loteria, premionan ofreci na e pueblo a cambio di tuma e vacuna no ta funcionando.

“E ultimo pida, e fase final, e ultimo kilometer, semper ta rekeri di un esfuerso maximo” Dr. Nirav Shah, director di Maine Center for Disease Control and Prevention (CDC) a declara.

Mientras cu dos e estadonan cu a ser mas afecta pa e desaster di e pandemia, California y New York a celebra nan reapertura e siman aki cu klapchi y un loteria di miyones di dollar, hospitalisacionnan den parti di Missouri ta aumentando, y casonan ta aumentando rapidamente den Texas, ilustrando e peligro cu te ainda e pais tin cu lidia cu ne den e temporada benidero.

Un di e preocupacionnan mas grandi ta e variante delta, cual ta potencialmente mas severo cu coronavirus mes y ta contagia hopi mas efectivamente tambe, cu a origina na India. Aunke oficialnan di salud ta bisa cu e vacuna ta efectivo contra di e variante aki, e miedo ta cu eventualmente e lo causa brote y plamamento den estadonan unda cu e porcentahe di personanan vacuna ta abao.

E variante delta a aumenta cu casonan di 2.7% den mei, pa 9.7% e luna aki, Dr. Rochelle Walensky, director di U.S Center For Disease Control and Prevention (CDC) a bisa durante un yamada di conferencia cu gobernadornan riba dialuna, segun detayes nan revela pa e oficina di gobernador di Washington.

Di mesun manera, estadonan ta purbando di investiga e pueblo pa asina tin un miho idea y comprension di ken ta e grupo di personanan cu no kier vacuna of te ainda tin duda pa cu e vacuna. Y asina tambe por yega na un conclusion di con pa convence nan y logra calma e dudanan pa asina por yega na ricibi e vacuna.

“E ta un careda contra e vacunanan cu actualmente ta ser duna na e pueblo y e variantenan actual y futuro variantenan cu lo por forma” secretaria di salud di Kansan Dr. Lee Norman a comenta.

E averahe di mortonan y casonan pa dia a baha di 90% den U.S, pero e realidad te ainda no ta keda cla.

Den texas, e averahe di casonan nobo di infeccion confirma a aumenta di 1000 pa dia den mei pa casi 2000 pa dia e siman aki.

E pueblo den Missouri ta mirando un aumento grandi y rapido den casonan y hospitalisacionnan, pa motibo cu turistanan ta ansioso pa sali despues di mester a dura henter un aña pa por biaha y bay na nan destinacionnan preferi, manera Branson y Lake of the Ozarks. Oficialnan di salud ta bisa cu mas di 200 hende a ser hospitalisa cu e virus den Southwestern Missouri, casi double di e number na comienso di mei. E number di pashentnan den cuido intensivo den e region a bira tripel di e cifra original.

Expertonan den salud a cita dos factor cu ta dunando forsa na e aumento: e variante delta, cual ta contagia hopi mas lihe y efectivamente, y un duda den e pueblo pa cu e vacuna.

U.S ta spera di no logra e meta di presidente Joe Biden a pone di tin por lo menos un dosis di e vacuna den 70% di e Mericanonan adulto pa 4 di juli. Actualmente e figura ta na 65%.

Den e grupo di estadonan cu no ta spera di yega e meta aki tambe tin Kansas y Idaho. Den Idaho, algun ciudad ya tin porcentahe di vacunacion den adultonan na 30%, Elke Shaw-Tulloch a bisa, ken ta administrado di salud publico pa e estado su departamento di salud y bienestar.

Pa aumenta vacunacion, hopi estado mester traha hunto pa parti cargamento nan grandi di vacuna den porcionnan mas chikito cual por ser distribui hopi mas facil na oficinanan di dokter. Oficialnan di salud ta wak dokternan di cas como e clave pa por calma e duda di e pueblo.

“Hende kier tende nan dokter, e personanan cu tin añanan largo ta provee cuido medico na nan perosna, hende cu nan conoce y ta confia” Dr Norman a comenta.

Regalonan y loterianan grandi manera esunnan actual a ricibi hopi atencion y cobertura di prensa y ya a regala miyones di dollar caba. Den Maine, cas di e compania cu ta traha paña L.L. Bean, e Bean Giftcards a bira un hit, sinembargo den tur otro parti tin duda tocante e programanan y campaña nan aki.

Shaw Tulloch a bisa cu algun negoshi den Idaho a ofrece bonus y ayudo financiero na empleadonan cu vacuna pero no a logra di haya hopi hende ricibi e vacuna. Na luga di esaki, e solucion ta den facilita e ricibimento di e vacuna, haciendo e parti di e “bida diario” di un persona, Shaw ta comenta.

Algun persona tin e actitud cu “si e vacuna no cay for di shelo y hinca mi man, mi ta ricibi e vacuna. Pero mi no ta bay interumpi mi bida diario druk djis pa ricibi un vacuna”

Tulloch ta agrega “Pesey nos ta enfoca riba clinica unda cu bo por cana drenta sin ningun problema, of clinica cu ta mobil, pa unda cu nan bira, tin un sitio facilita unda cu nan por ricibi nan vacuna sin tin cu haci algun sacrificio ni esfuerso”