U-Haul tin un obhetivo di bienestar inusual pa 2020: contrata menos persona cu ta huma. E compania di huur truck a bisa cu lo stop di contrata persona cu ta usa tabaco of producto di nicotina na e 21 stad di Merca unda ta legal pa haci esaki.
Ehecutivonan a bisa cu ta spera cu e politica nobo, cu lo drenta na vigor e luna aki, lo reduci costo di compania door di mehora salud di forsa laboral di 30.000 persona di U-Haul. Pa selecta trahadonan a base di uso di tabaco ta straño. Pero dunado di trabou pa añanan a usa castigo financiero y beneficio pa purba di reduci e costo di malesa relaciona na tabaco, manera malesa cardiaco, cancer y stroke.
Den añanan recien, investigadonan a cuminsa studia e programanan rigurosamente. E resultado ta mustra tiki evidencia cu plan di bienestar lo mehora salud di trahado of reduci costo di atencion medico, segun centro pa control y prevencion di malesa (CDC).
E gasto medico relaciona cu humamento lo agrega casi 170 biyon di dollar pa aña na gasto medico di dunado di trabou y gobierno. Empresanan tambe ta perde 156 biyon di dollar na perdida di productividad pa tabaco y problema di salud relaciona.
Alrededor di 70% di dunado di trabou ta ofrece programa pa yuda trahado stop di huma como parti di cobertura di salud. E enfoke standard ta consisti di sesion di terapia y bals, patch of medicina di nicotina pa controla ansiedad.
Un cuarta parti di companianan grandi lo añadi castigo pa obliga humado stop di huma: un cargo adicional pa nan prima di salud. E suma lo ta alrededor di $600 pa aña pa empleadonan, segun data di consultante Mercer, cu ta diseña plan di salud y bienestar corporativo.
A pesar di e alrededor di $8 biyon gasta den programa di bienestar anualmente, expertonan ta bisa cu nan no a demostra di por entrega e beneficionan priminti a largo plaso. “No tin ningun evidencia cu e programanan aki ta resulta den hende humando menos, comiendo menos of ehercitando mas”, segun Karen Pollitz, kende ta studia plan di seguro y salud na Kaiser Family Foundation. “Algun estudio a logra mehoracion a corto plaso, pero nada sostenibel.”
Un estudio anterior realisa pa investigadonan di grupo di experto di Rand Corp. ta calcula cu programa di bienestar dirigi pa mehora estilo di bida lo genera un ahorro promedio di $157 pa trahado, pero casi tur ta bay den costo di e programa: $144 pa trahado.
Partidario di e programanan ta bisa cu bienestar lo por bay tres pa cinco aña pa e retorno di inversion. Por ehempel, malesa relaciona cu e tabaco por tarda decada pa desaroya.
