(AP) — Escritornan di Hollywood a vota casi unanimamente pa aproba e acuerdo di contract cera pa nan lidernan sindical cu a caba un welga despues di casi cinco luna, mientras actornan ta keda den negociacion pa haya un manera pa sali di nan propio welga.
E Gremio di Escritor di Merca a anuncia dialuna cu 99% di e 8,525 miembro cu a emiti un voto a vota pa ratifica e acuerdo.
E acuerdo a keda elogia ampliamente como un victoria pa lidernan, y a ricibi elogio amplio di miembronan, cu logronan grandi den pago, tamaño di personal pa show y control di uso di inteligencia artificial den guionnan. E resultado di e voto tuma durante ultimo siman nunca tabata realmente den duda.
“Hunto, nos a logra loke hopi a bisa tabata imposible apenas seis luna atras,” Meredith Stiehm, presidente di WGA-East a bisa den un declaracion.
Mientras tanto, casi tres luna despues cu nan welga a cuminsa, lidernan di Gremio di Actor di Pantaya – Federacion Mericano di Artista di Television y Radio (SAG- AFTRA) tabata back den negociacion cu studionan riba dialuna, un siman despues cu a reanuda negociacion.
A diferencia di e sesionnan marathon anochi y den weeekend cu a trece un fin na e welga di escritornan, e actornan y nan dunandor di trabao ta moviendo mas metodicamente den nan negociacionnan, y no tabata cla con hopi progreso ta haciendo.
Lidernan di gremio di escritor a urgi estudionan pa otorga e demanda di e actornan y a bisa cu nan miembronan lo protesta hunto cu nan te ora cu yega na un acuerdo.
E contract nobo di e escritornan ta valido te dia 1 di mei 2026, tres aña despues cu nan contract anterior a caduca y nan a bay den welga. Despues cu negociacionnan a mira participacion directo di hefenan di Disney, Netflix y Warner Bros. Discovery, a yega na un acuerdo tentativo dia 24 di september. Dos dia despues, ora miembronan di e hunta a vota pa aproba e acuerdo y mand’e na su miembronan, a declara fin di e welga y e escritornan a bolbe trabao.
Nan a cuminsa casi inmediatamente, cu shownan late-night talk show back den aire dentro di un siman, y otro shownan incluyendo “Saturday Night Live” a sigui tiki despues.
E Aliansa di Productornan di Pelicula y Television, cu ta representa studionan, servicionan di streaming y companianan di produccion den negociacionnan di welga, a felicita e escritornan pa nan voto, bisando den un declaracion cu e contract “ta representa logronan significativo y proteccion pa escritornan” y cu e “ta progreso importante pa nos industria cu e escritornan ta back na trabao.”
