Exitoso dianan di informacion tocante estudio pa alumnonan di Caribe Hulandes. Despues cu tabatin un prome sesion digital pa alumnonan di HAVO, VWO en SBO/MBO-4 riba dialuna 9 y diaranson 11 di november 2020, Study Choice Caribbean a tene un sesion mas riba dialuna 8 y diaranson 10 di maart , special pa alumnonan cu kier sigui cu nan estudio riba nivel profesional intermedio.
Tabata tin 35 presentacion di scolnan di MBO/SBO/EPI/NIPA y varios organisacion cu ta duna estudionan y entrenamento interno, manera e.o. Polis, Kustwacht, cuerpo di Bombero, Hospital. E enfoke tabata riba e posibilidad nan pa sigui un estudio profesional riba un di e seis islanan di Caribe Hulandes.
Mas o menos 300 alumno di Aruba, Boneiro, Curaçao, Saba, Sint Eustatius y Sint Maarten a sigui e presentacionnan interactivo di 45 minuut y na final di cada presentacion a haci nan preguntanan directamente na e scol of organisacion cu tabata presentando.
Mientrastanto tur presentacion ta accesibel riba e websitewww.studychoicecaribbean.com Asina ta duna scolnan e oportunidad di (bolbe) wak e presentacionnan den e klasnan, pero alumnonan por wak nan cu nan mayornan tambe.
Nos ta orguyoso di e grupo grandi di alumnonan cu a tuma parti den e evento digital aki pa asina haya informacion tocante e estudio cu ta dirigi riba nan talentonan. Nos ta spera cu e evento ta yuda nan haci un bon escogencia.
Despues di e dos seccionnan, di november 2020 y maart 2021, na tur tin 45 ora di video riba e website, parti den 90 presentacion. Casi 750 alumno a participa na e evento.
E intencion ta pa ripiti e evento aki tur aña.Bishita e website: https://studychoicecaribbean.com/
