Escena caotico mientras republicano ta interumpi impeachment

Republicano pa un rato a interumpi e investigacion di impeachment dirigi pa democrata, ora cu decena di miembro di Camara di Representante a interumpi un declaracion cu porta cera di un trahado di Departamento di Defensa.

Democrata a bisa cu e medida a compromete e siguridad nacional, pasobra algun republicano a hiba aparato electronico den un camber sigur. E protesta di legislado republicano a capta atencion nacional, lagando atras e testimonio di un diplomatico importante di Merca.

Un serie di diplomatico a wordo entrevista pa e investigacion di impeachment, hopi republicano a warda silencio pa e conducta di e president. Pero nan tabata honesto di nan disgusto pa democrata y e proceso di impeachment, bisando cu ta inhusto pa nan a pesar di cu nan ta den un sala interogando testigo y tendiendo testimonio.

Legislado a describi e escena caotico, representante democrata Debbie Wasserman Schultz, di Florida a bisa cu el a cana drenta ora cu representantenan republicano a kibra den e camber pasando door di agente policial di Capitol y staf democratico. E miembro di staf kende tabata check pa identificacion na entrada tabata ‘basicamente sobrepasa’ pa republicano.

“Literalmente algun tabata grita tocante e presidente y locual nos ta haciendo cune, cu nos no tin nada y simplemente tur cos cu mester duna sosten na e president”, Wasserman Schultz a bisa. Democratanan ta nenga cu republicano ta wordo inhustamente trata. Locual nan tin ta tempo pa pregunta di testigo y acceso na reunion.

Nan ta bisa cu reunion cu porta cera ta necesario pa preveni cu testigo di sconde e berdad y a priminti di revela e transcripcion ora esakinan no afecta e investigacion. E entrevista ta tumando luga na SCIF (Sensitive Compartmented Information Facility) un camber sigura unda miembronan por scucha informacion clasifica.

Varios legislado ta bandonando e facilidad bisando cu algun republicano a trece nan celular, maske electronico no ta permiti. Tur miembro di congreso ta familiar cu e protocol di SCIF, awo cu nan ta invita cu reunion clasifica, y tin mas camber asina rond di e Capitol.