(NLTimes) – Alrededor di 26,500 studiante ainda ta buscando un luga pa biba, segun centro Kences ta reporta. Den un aña, escasez di vivienda pa studiante a aumenta cu 4,500.
Durante e proximo ocho aña, e cantidad di studiante buscando acomodacion ta bay aumenta pa alrededor di 57mil, principalmente pa motibo di mayor fluho di studiante internacional. E cantidad di studiante universitario (Hulandes) tambe ta aumentando, y nan tin mayor probabilidad di biba den camber cu studiantenan di HBO.
Pa 2025, e suministro di vivienda estudiantil na Hulanda ta bay aumenta cu 16,500, segun plannan di construccion actual, Kences a bisa. Pero e escasez ta bay aumenta toch, segun Jolan de Bie, director di e centro. El a bisa cu tin biaha studiantenan no ta bay nan institucion preferi pa falta di acomodacion.
Studiantenan cu no tin camber hopi biaha ta keda cu conocirnan, den hotel, cu otro studiante of hasta cu maestro, segun De Bie. Segun Kences, studiantenan cu a logra haya un camber ta gasta un parti cada bes mas grandi di nan entrada den huur.
Segun union nacional di studiante LSVb, e escasez y aumento di prijs di huur ta limita desaroyo personal di e studiantenan. Presidente Ama Boahene a bisa cu biba den camber di studiante ta un stap importante pa desaroya independencia y un bida social, algo cu awo e studiantenan no por logra.
