Escasez di empleado ta poniendo presion riba calidad di cuido di mucha na Hulanda

Escasez di empleado den cuido di mucha ta causando mas y mas eror y poniendo e calidad bao presion segun supervisor di GGD GHOR Nederland a conta NOS. GGD su inspectornan cada biaha ta mirando mas y mas cosnan manera portanan cu no ta bon cera, muchanan cu ta drumi pafo den solo pa hopi largo, muchanan cu no ta haya nan cuminda of no ta haya nan boter di lechi.

“Nos ta mira cu den mayoria caso tur cos ta andando bon, sinembargo pa causa di escasez di empleadonan, nos ta mira cierto localidadnan ta cayendo for di e standard,” GGD GHOR Nederland su director Ton Coenen a conta e noticiero. E no por bisa si e erornan aki ta causando daño na e muchanan. “Nos no a crea e reviso di e rekisitonan di GGD pa nada. Nan mester garantisa e siguridad y salud di e muchanan. E riesgo di cosnan bayendo fout ta den aumento.”

Mayornan tambe ta ricibiendo e señalnan aki, Gjalt Jellesma di mayornan den e grupo di cuido di salud Boink a bisa na e noticiero. “For di muchanan cu nan no ta straña ora cu nan a bay cas te na portanan cu no ta bon cera.”

Pa causa di e escasez di empleadonan, e sector di cuido di salud ta depende riba substitutonan y empleadonan temporario. Y esaki ta pone hopi mas presion riba e empleadonan permanente. E muchanan ta conoce nan y nan ta hopi mas probabel di bay cerca nan pa nan necesidadnan segun Ppink, e organisacion pa profesionalnan pedagogico. “Nan no ta logra ofrece un bon calidad di cuido tur dia,” director Myrte van Gurp a splica. “Cosnan lo bay malo na algun punto. Nos miembronan tin miedo cu algo lo por pasa cu por a ser preveni. Tin un falta di empleado grandi y nan no por lidia cu esaki of nan ta bisa ‘mi no sa si mi kier ta responsabel pa esaki mas.”

Minister Karien van Gennip di asuntonan social a conta NOS cu e siguridad di e muchanan semper mester bini prome. “Si bo no tin suficiente hende pa cuida di e muchanan, e ultimo opcion ta di temporariamente cera e centro di cuido te ora cu bo tin suficiente hende atrobe. Niun hende kier esaki. Y na mesun momento, nos tin cu sigura cu suficiente hende kier traha aki, y nos ta trahando hopi duro riba esaki.”