Escasez di empleado ta afectando servicio di gobierno

(NLTimes) – Varios organisacion di gobierno manera belastingdienst, agencia di bijstand UWV y institucion di custodia DJI ta hayando problema pa yena vacatura di mesun manera cu varios otro sector na Hulanda.

Esaki ta causando oranan di espera sumamente largo, por ehempel, afectando e programa diario di e detenidonan NOS a reporta despues di a papia cu 10 servicio di gobierno.

Cu excepcion di Education Inspectorate y Healthcare and Youth Inspectorate, tur e servicionan a bisa cu nan ta hayando problema den e mercado di labor preta actual. Tambe nan tin problema pa cu a cantidad di empleado cu ta falta trabao pa un of cualkier otro motibo, cu un averahe di entre 5 pa 8.4 porciento, cual ta mas halto cu e averahe prome cu e pandemia.

Belangstingdienst tin e cantidad mas grandi di vacatura pa motibo cu nan tin mester di extra empleado pa asina por compensa e ciudadanonan cu a paga demasiado impuesto ademas di e victimanan di e scandal di bijstand. Tambe ta anticipa cu hopi di nan empleadonan lo retira den e dianan binidero. E problemanan ta mas evidente na e linea di informacion, unda personanan cu yama hopi biaha mester warda te hasta un ora prome cu un persona contesta e telefon.

Aduana, Rijkswaterstaat y Inspectorado di Labor a bisa cu nan ta haya e ta un desafio particular pa yena posicionnan di un perfil specifico, particularmente e funcion specialisa legal, digital y financiero.

UVW ta luchando cu un escasez di examinadornan medico y empleadonan den e departamento di IT. E servicio mester duna prioridad na algun caso, cual por causa retraso pa otronan.

DJI ta purbando di yena espacio den e empleadonan pa medio di combati e gran cantidad di empleado faltando trabao. Sinembargo esaki no ta resolviendo e problemanan completamente, un vocero a splica NOS. E cantidad halto di trabao particularmente ta pone e programa bao presion.

Servicio di Inmigracion y Naturalisacion (IND) a bisa cu nan ta haciendo nan mayor esfuerso pa contrata personanan nobo, sinembargo algun proyecto ta bao presion. Por ehempel, varios persona di Ucrania a lucha pa ricibi nan stempel di residencia riba nan paspoort prome cu e periodo liber di visa caduca.

NVWA a bisa cu e empleadonan ta abruma cu extra trabao pa motibo cu nan no por haya mas empleado pa por cumpli cu e trabao. “Como resultado di esaki, empleadonan no tin mesun tempo pa recupera, cual ta aumenta e riesgo di falta trabao. Tambe tin menos espacio pa socialisa, cual por causa tambe cu empleadonan ta menos involucra na trabao y ta falta trabao tambe,” un vocero a bisa na e noticiero. NVWA ta purbando di usa digitalisacion unda cu nan no por haya empleado, manera usa camara y drone pa inspeccionnan.