ORANJESTAD – AIFF tumando luga e dia nan aki ta treciendo hopi actor, director, productor etc. fe afo riba nos isla. Entre nan Bon Dia a haya e oportunidad pa sinta cu e director Zachary Sluser di Los Angeles pa papia tocante su pelicula “The Driftless Area” cu a presente net prome cu e pelicula “Shame” cu Tyrese Gibson aden.
E pelicula ta bay tocante un bartender Pierre (Anton Yelchin) cu ta regresa pa su ciudad y ta topa cu Stella (Zooey Deschanel) y un criminal violento (Nomina pa Oscar, John Hawkes) Den e ciudad aki di e “Driftless Area”, nos version di realidad no ta e mesun realidad cu nos lo wak. Venganza y misterio ta domina y kisas amor ta e unico cos cu por transporta bo mas leu cu existencia.
Driftless Area a premier ayera nochi y a haya hopi bon reviews di e publico cu tabata presente. Zachary por a conta nos cu ta su prome biaha na Aruba y cu e ta masha contento cu e hende nan aki y lo tin gana di sigui explora nos isla su parti nan local y natural.
