(NLTimes) – E problemanan cu e app CoronaCheck riba diasabra nochi ‘ta un bofta riba cara di entrepreneurnan di catering’, segun Sindicato Real Hulandes di Catering (KHN). Na algun ciudad, tabatin rijnan largo dilanti di establecimentonan di catering, di hendenan cu no a logra drenta pasobra nan codigo QR no tabata traha pa motibo cu e server a sobrecarga, segun director general di KHN, Dirk Beljaarts.
“Ta agotador pa entrepreneurnan di catering kende mester traha cu e medidanan aki sin cu a puntra nan, cu riba e dia aki e tecnologia ta bandona nan”, Beljaarts a bisa.
Ministerio di Salud a reconoce cu multitudnan grandi a causa cu e server a sobrecarga. E retraso tabata causa pa un atake cibernetico DDOS riba e server di e app. Problemanan principalmente a sucede cu hende cu ainda mester a crea nan codigo QR of cu no a usa e app den algun tempo. Cualkier persona cu ya tabatin un codigo QR no mester a encontra problema, segun un vocero.
For di diasabra, tur persona mayor di 13 aña di edad mester mustra un pase di acceso di coronavirus pa haya entrada na un establecimento di catering, evento, of institucion di arte y cultura. Tambe tin insuficiente capacidad di test pa hende cu kier sali cu un test negativo pa coronavirus, segun director general di KHN. “Den areanan menos densamente pobla, por ehemplo Zeeland, hende mester biaha leu”, Beljaarts a bisa. Den otro areanan por ta dificil pa haya un cita.
“Con den nomber di Dios e entrepreneurnan ainda ta genera ganashi si tin asina hopi obstaculo poni riba nan caminda?” Beljaarts a puntra su mes. E ta kere cu problemanan cu e app CoronaCheck ta pay persisti pa algun tempo. “Y prome cu bo sa, ta 12or y e establecimento mester cera atrobe.”
