Na e Centro di entrenamento CARIB di Kazerne di Marina na Suffisant, e entrenamento pa Corporal di Milisia di Caribe a finalisa, cu entrega di e diplomanan Vigilancia y Seguridad Mbo nivel 3 (B&B Mbo 3).
Na momento di e brote di e pandemia di COVID-19, e estudio B&B Mbo 3 ainda tabata andando. Pa motibo di e ingreso di e restriccionnan pa biaha, e alumnonan di ARUMIL mester a regresa Aruba. Na mes momento e Gobierno di Corsou a pidi sosten Militar pa medio di cua e alumnonan di CURMIL, banda di nan estudio, tambe mester a keda desplega operacionalmente. Pa motibo di demostracion di hopi flexibilidad di parti di tanto e alumnonan como e docentenan, nan a logra di competi e entrenamento den un programa di ‘siña riba distancia’ (‘distant learning’). Cu yudansa di laptop a sigui cu e lesnan pa medio di ‘video conferencing’.
E entrenamento B&B Mbo 3 ta prepara miembronan hoben ehecutivo pa un funcion di liderazgo dentro di CARMIL, cu e tarea principal Vigilancia y Seguridad. E entrenamento aki ta acopla cu e siñansa di ‘Voortgezette Vak Opleiding (VVO)’ den cua nan ta keda entrena den guiamento di un grupo di ocho militar y situacionnan di combate. Na luna di mei e ultimo examen a keda finalisa digitalmente, y e alumnonan tabata por a ricibi nan diploma den e siman quo a pasa. Ocho Korporaal nobo di CURMIL a ricibi nan diploma na Kazerne di Marina na Suffisant. Pa seis Korporaal nobo di ARUMIL lo pay manda nan diploma pa nan.
