Entrante prome di januari 2021 tarifa pa declaracion di Bon conducta (VOG) ta subi

A base di e ley di declaracion di conducta, Minister di Husticia por stipula un montante pa gastonan administrativo den cuadro di otorgamento di un declaracion di bon conducta. For di 1969 e montante aki ta Fls 1,-.Sigur mirando e tempo cu a pasa, e cantidad di trabou, trahadonan debolbi y gastonan administrativo a aumenta. Despues di evaluacionnan canando for di 2015/2016 bini ariba, a yega na un aumento general di Fls25,–. Pa hobennan menor di 18 aña y tambe personanan menos prudente registra na SOAW esaki ta mita di prijs, esta Fls 12,50.

Den Reino, Corsou no a subi e gastonan for di 1969. Na Aruba, e gastonan ta Fls. 40,-,Boneiro US$ 10, St Maarten Fls 50,– i na Hulanda € 33,85/€41,35.

For di 2016 tin un colaboracion entre Ministerio di Husticia y Loket di Permit bou di Ministerio di Maneho di Gobernacion, Planificacion y Servicio Publico, pa trata peticion pa un declaracion di bon conducta. Loket di Permit ta tuma e peticion y ta manda esaki oficina di Procurador General. Na oficina di Procurador General e investigacion ta keda haci  pa ricibi informacion si e persona a yega di tin contacto cu Husticia. Na momento cu for di e investigacion  resulta cu un persona nunca antes a yega di bini den contacto cu Husticia,  ta  notifica esaki na Loket di Permit y un declaracion di bon conducta ta keda otorga. Den caso cu resulta cu e persona, di un of otro forma a yega di bini den contacto cu Husticia den Reino Hulandes, e informacion aki ta keda manda pa e departamento concerni na Ministerio di Husticia pa evalua si e persona apecar di a bini den contacto cu Husticia por bini na remarca pa ricibi un declaracion di bon conducta of no. E evaluacion aki ta tuma luga di acuerdo cu un maneho estricto, teniendo cuenta cue tempo cu a pasa despues di e condena, resocialisacion, rekisitonan pa e persona y sociedad.

Tin diferente inversion a wordo haci caba pa por laga e proceso cana mas lihe. Apesar di esaki, dor cu e cantidad di peticion cu ta drenta ta aumentando y e cantidad di trahado si a keda mescos, ainda no ta tur biaha ta logra otorga un contesta den un tempo cortico.

Cu e aumento di tarifa di tarifa aki lo por sigui haci inversionnan pa haci e proceso mas lihe dor di digitalisa esaki mas tanto. En espera di esey, e cadena di Loket di Permit, Oficina di Procurador General y Ministerio di Husticia, ta den deliberacion continuo pa mas tanto posibel haci e tempo di espera mas corto.

Ministerio di Husticia y di Maneho Gobernacion, Planificacion y Servicio Publico y tambe Oficina di Procurador General lo sigui haci tur loke ta na nan alcance pa  keda mehora e servicio na nan clientenan.