Entrante otro aña lo tuma luga renobacion di DIP

Diaranson mainta a tuma luga e firmamento di renobacion y expansion di departamento di infrastructura y planificacion. Representante di SOGA conhuntamente cu Freman, compania encarga cu e renobacion, a comparti tocante e proyecto.

Deirdre Snoijl, representante di SOGA y vice president di departamento di programa & project management di AIB (Aruba Investment Bank), a comparti tocante e proyecto cu lo tuma luga na DIP .

SOGA a construi e edificio na 2008. E ta splica cu e keda cla 11 aña pasa, caminda SOGA a cera contract cu gobierno, unda cu a base di programa di rekisito a traha un contract cu 3 diferente edificio pa nan infrastructura.

“Esey ta locual edificio di departamento di turismo ta aden awo. Esun di belasting, di finanzas y DIP. A pasa 11 aña y tempo ey SOGA a construi, a base di deseo di esunnan cu ta haci uzo di edificio, sea pa cuanto piso, baño etc. y SOGA lo construi.”

Gobierno a paga e huur y prestamo pa SOGA pa luna, pero e instancia tin cu zorg pa e mantencion di e edificio. Sinembargo e construccion cu a tuma luga 11 aña pasa, e compania ta crece y ta bira mas innovativo. Esaki relaciona cu e paso pa digitalisacion cu Oduber a menciona.

SOGA su participacion den esey ta parti infrastructura, pa motibo cu ta nan edificio, ta nan mester haci e cambio. E peticion a bin cerca nan y a wak den nan finanzas y disponibilidad pa ta posibel pa cuminsa cu e proyecto ‘pa cumpli cu e necesidad cu e huurdonan tin pa innovacion di digitalisacion’.

“Nos ta desea di tene esunnan cu ta huur contento. Esunnan encarga cu proyecto ta contratista Freman. Ta desea exito na Freman, e directie encarga y arkitectonan. Nos ta anticipa pa e completacion di e proyecto.”

Angelo Arends, di Freman a bisa cu ta contento di forma parti di proyecto cu lo cuminsa otro aña. Nan lo coordina di un manera ‘mas bunita y eficiente posibel’. E parti operacional no lo stop y tur e trabou lo sigui.

Nan lo coordina cu DOW/ DIP pa haci posibel pa tur departamento keda traha y nan orario manera contratista lo ta mas largo y ta kere cu lo dura alrededor di 115 dia.