Ainda ta prematuro pa Banco di Seguro Social (SVb) por tin un bista precies di entrada cu e fluho grandi di trahadonan cu a registra recientemente a produci den nan fondo di malesa.
E cambio di ley cu a wordo introduci na luna di april ultimo pa sanea y fortalece financieramente e fondo di seguro di malesa -cu tabata esun cu a presenta problema- ta hayando un fortalecemento. Di un banda hopi trahado cu tabata trahando sin proteccion social pasobra nan no tabata registra den SVb, nan doñonan di trabou ta registra nan pa evita di haya un boet pisa.
Pero tambe den buscamento di solucion pa rescata e fondo di seguro di malesa a wordo amplia e salario maximo riba cual SVb ta cobra prima. E ampliacion aki ta trece un grupo di trahado aden cu mas salario pa SVb por haya mas prima. For di esakinan SVb ta bay saca e suma adicional pa cubri e deficit den e fondo menciona. Pero tambe tin un ampliacion di salarionan mas abou cu tambe lo ta drentando, director di SVb sr. Edwin Jacobs a laga sa na Bon Dia Aruba.
“Ta conoci tambe cu mas halto e salario ta, e absentismo laboral ta menos”, segun sr. Jacobs. Pero tambe mas abou e salario ta mas riesgo di trabou y mas riesgo di malesa ta wordo registra cu ta manifesta su mes den mas absentismo laboral.
Sr. Jacobs a bisa cu te aworaki SVb ta positivo riba e proceso di recuperacion y saneamento di e fondo di malesa. Pero nan no tin un bista cla ainda con grandi e grupo cu ta bay drenta adicional ta.
Pero tambe cual lo ta e peso adicional cu ta pone ariba e fondo. P’esey nan ta bay keda monitor pa vigila cu e proceso di desaroyo di e fondo di seguro di malesa ta tuma luga conforme cu nan expectativa.
“Si no ta asina nos mester acerca politica bek pa wak unda tin espacio pa nos por atende cu esaki. Tur hende mester ta registra pa seguro di accidente, mientras cu e seguro di malesa ta varia segun e entrada maximo pa locual SVb ta cobra
