(NLTimes) – Artificial Intelligence (AI) ta cada biaha mas forma parti di e panorama di media digital na Hulanda, aunke varios persona Hulandes tin preocupacion tocante e tecnologia, agencia di investigacion GfK a mira den su encuesta anual Trends in Digital Media.
Tambe el a haya cu residentenan Hulandes tabata preocupa tocante e consecuencianan di screen time aña pasa compara cu aña 2022 pero tambe a usa plataformanan online mas frecuente.
Sinembargo, cada biaha nan ta cada biaha bandonando X mas pa motibo cu nan no tin confiansa riba e plataforma.
Dos tercer parti di e poblacion Hulandes cu 13 aña di edad y mas ta familiar cu AI y sa kico nan por haci cune. Un tercer parti, mayoria persona hoben, a usa plataformanan di AI manera ChatGPT. Personanan mas tanto ta usa plataforma di AI pa genera of mehora texto y cu menos frecuencia, pa genera imagen y zonido.
Buskeda pa informacion y inspiracion tambe ta uso popular di AI.
Apesar di e hecho cu AI ta cautelosamente estalbece su mes den panorama di media digital Hulandes, varios residente Hulandes tin preocupacion tocante e aumento di tecnologia y su desaroyo den futuro. Un preocupacion frecuentemente menciona ta e aumento den mal informacion. Personanan no gusta tampoco cu tin biaha nan no por saca afo si un persona of AI a crea algo.
E uso averahe di plataformanan online a aumenta entre e residentenan Hulandes aña pasa. Di mesun manera cu preocupacionnan di consecuencia negativo di screen time. “E mayoria ta pensa cu e tecnologia ta haci bida mas facil, pero mita toch lo kier tin menos tecnologia den nan bida,” segun GFK. Personanan den e grupo di edad di 18 pa 49 ta mas preocupa tocante e consecuencianan negativo di nan screen time y nan salud ademas di comportamento social y ta mas probabel di kier recorta esaki.
Residentenan Hulandes ta pone cada biaha mas importancia riba dicidi kico nan ta consumi y ki tempo. Television, streaming di musica y tende podcast te ainda ta den aumento. “Aunke e desaroyo ta mas poco poco cu den aña 2022, e moda te ainda ta visibel,” GfK a agrega.
Mientras cu media tradicional manera television y radio ta perdiendo viewer a causa di servicionan di streaming, te ainda nan ta disfruta di e confiansa mas grandi ora ta trata hende su data. Rednan social tin e confiansa mas abao pa loke ta trata esaki. “Si nos mira confiansa den contenido, X y TikTok en particular tin un puntuacion hopi abao, cu X mirando un disminucion compara cu aña 2022,” e agencia a comenta. “E transicion for di Twitter pa X no a trece ningun tipo di beneficio pa e plataforma.”
E cambio di nomber y doño di e plataforma mas tanto a causa daño na su reputacion y e manera cu e usuarionan ta mira e plataforma ademas di e confiansa cu nan tin den dje.
