Boneiro ta creciendo como destinacion save pa yatenan cu ta di bishita y tambe e cantidad di yate local ta creciendo. Apesar di esaki, Boneiro no ta dispone di un stacion cu facilidad di descarga awa sushi caminda yatenan por pomp y entrega nan awa sushi. Consecuencia di esaki ta, cu doñonan di yate no tin otro alternativa cu descarga nan awa sushi directamente den awanan di Boneiru.
Awa sushi cu no a pasa den proceso di purificacion ta dañino pa tanto nos hendenan como nos fauna cu flora. Habitantenan y bishitantenan ta uza nos awanan pa hopi meta di recreacion manera landamento y snorkel. Pa e motibo aki, no ta nada deseabel pa dispone di awa sushi den lama rond di Boneiro. Ademas e lama rond di Boneiro ta cas pa algun di e rifnan di coral den nan miho condicion den Caribe y e rifnan ta sensitivo pa polucion dor di awa sushi.
WWF-NL, OLB, WEB cu STINAPA a inicia e encuesta di Awa Sushi Marino 2021. Durante e ultimo 3 simannan a tene un encuesta cerca alrededor di 70 yate na Boneiro pa haya informacion tocante tankinan pa wanta awa sushi cu nan ta ekipa cune y tocante e calidad y cantidad di e awa sushi cu e yate nan ta descarga. E informacion aki ta esencial den e siguiente pasonan pa creacion di un situacion cu tin sero disposicion di awa sushi.
Nos a ricibi hopi sosten di doñonan di yate y tur hende tabata dispuesto pa duna nan contribucion pa yuda salba e rifnan di coral di e forma aki. Nos ta expresa nos gratitud na tur cu a contribui na e encuesta aki. Ora cu e resultadonan ta cla, lo presenta nan na publico hunto cu nos recomendacionnan.
