Encuesta di AHATA pa october 2020: 62 porciento di compania miembro den riesgo di bancarota sin subsidio di salario

AHATA recientemente a tene un encuesta entre companianan miembro cu ta depende directo- of indirectamente riba turismo.

Di e 61 encuestado, 84 porciento di compania ta ricibiendo subsidio di salario, mientras cu 90% di compania cu ta ricibi subsidio di salario ta operando cu perdida.

Contestando e pregunta si nan por opera profitablemente sin subsidio di salario, 86 porciento a bisa cu esey no ta e caso. Ademas, 62 porciento a bisa cu nan ta den riesgo di bancarota sin subsidio di salario, mientras cu 38% a bisa cu ta den riesgo di bancarota hasta cu subsidio di salario.

AHATA ademas a puntra tocante flexibilisacion laboral. “Flexibilisacion laboral ta un rekisito pa sobrevivi na 2021 y den futuro?” Di esaki, 87 porciento a indica cu flexibilisacion ta un rekisito pa e negoshi sobrevivi.