Diasabra, 25 di november, Fundacion Centro Famia Piedra Plat a organisa e ultimo actividad pa e aña aki pa e grupo di 60 + di bario.
A scoge pa un thanksgiving brunch combina cu un charla tocante drumimento. E charla tawata na encargo di dokter Maikel Kelly. Dokter Kelly tawata dokter di cas den bario di Piedra Plat. Asina dokter a topa cu algun ex-pashent
E charla tawata dirigi riba e edad di esnan presente. A splica e fase nan y duracion di soño y e uso di remedi pa drumi. E cantidad di hende cu ta usa remedi a aumenta hopi ultimo añanan aki na Aruba. Pa algun e ta un adiccion caba. A comparti consehonan con pa atende cu e problema aki.
Despues a sigui un dushi brunch acompaña cu musica di antaño, unda esnan presente a continua gosa di e oportunidad pa intercambia cu otro.
Directiva di FCFPP y e comision encargo cu e encuentronan aki ta gradici cada uno cu a aporta. Danki na CEDE Aruba / Bario Unico y algun persona cu a duna nan aporte pa e grupo di 60 + di bario di Piedra Plat y vecindario.
