(NLTimes)—Empleadonan na Schiphol Airport cu ta traha rond di aeronavenan ta structuralmente vulnerabel na exposicionnan di substancianan carcinogenico, segun Nederlandse Arbeidsinspectie a bisa den un rapport diabierna. Empleadonan na e aeropuerto—Schiphol, aerolineanan, companianan di maneho riba pista, y otro proveedonan—mester pone mas esfuerso pa proteha nan mes for di e emisionnan peligroso aki, segun e inspectorado.
E agencia a conclui cu empleadonan riba e plataforma ta vulnerabel pa exposicion di substancianan carcinogenico den concentracionnan demasiado halto pa un periodo hopi largo. E substancianan carcinogenico y mutagenico aki ta sali for di kimamento di kerosin pa navenan y diesel pa transporte di tera. Mutagenonan por causa daño na material hereditario y, den combinacion cu otro su substancia, causa cancer.
Segun e inspectorado, al menos 2,000 empleado ta vulnerabel pa emisionnan carcinogenico—e personal cu ta pone maleta den avion y ta yena kerosin den e nave, pero tambe hende cu ta acompaña pasaheronan descapacita riba e avion, por ehempel, of contratantenan cu ta traha na e aeropuerto. E companianan na Schiphol mester tuma medidanan lo mas pronto posibel pa reduci emisionnan y e exposicion di esaki na nan empleadonan.
E inspectorado a ordena Schiphol y otro empleadornan na e aeropuerto pa limita e uzo di motor di aeronave rond di e plataforma. Avionnan mester ser getouw for di e gate prome cu nan uza nan mesun motor. E uzo di e unit di coriente—cual ta provee coriente y airco den un aeronave para na e gate—tambe mester ser limita.
E inspectorado a lansa un investigacion den e exposicion di empleadonan na gas cu ta sali for di aeronavenan riba e plataforma y salud ocupacional y seguridad na e aeropuerto despues di un peticion di implementacion for di e sindicato FNV na december 2021. Na mei aña pasa, e inspectorado a publica su resultadonan provisional caba—cu trahando riba e plataforma na e aeropuerto ta dañino na e salud di empleadonan—pa asina empleadornan responsabel cuminsa tuma medidanan.
