(AP) – Centenares di empleado di Google ta pidiendo e compania pa extende su beneficio di cuido di salud pa cu aborto na empleadonan riba contract y pa fortalece nan proteccion di privacidad pa usuarionan di Google cu ta busca informacion tocante aborto online.
Compania doño di Google Alphabet a compromete cu lo cubri costonan di biahe y cuido di salud pa empleadonan cu tin mester di un aborto fuera di e estado y pa yuda algun di e empleadonan reloca despues cu Corte Supremo di Merca a repela e derecho constitucional na un aborto. E decision den juni a duna paso na varios restriccion di aborto severo y prohibicionnan den casi mi ta di e estadonan na Merca.
Beneficionan pa servicionan di aborto ofreci pa Google y otro companianan di tecnologia no ta cubri e empleadonan contratista, cual ta comun den e industria aki y hopi biaha ta ser paga menos ademas di tin menos beneficio compara cu empleadonan full time.
Un carta firma pa mas di 650 empleado manda e siman aki na CEO di Google Sundar Pichai y oro ehecutivonan di Alphabet a haci yamado pa inclui contratistanan den e beneficio aki.
Tambe ta haci demanda na e compania pa para cualkier donacion politico na politiconan cu ta “responsabel di a otorga poder na e husticieronan den Corte Supremo y cu ta sigui causa daño na derechonan humano cu e problematicaan manero acceso na votacion y control di arma.
