Empleadonan di Elmar a bay den desde awe mainta 7:30, esaki pa motibo di algun cambio cu a bin den procedura di siguridad cual no a wordo comunica cu e empleadonan segun presidente di sindicato UEA Coby Geerman. El a sigui splica Bon Dia 24 cu prome cu e empleadonan a bay den accion ya nan a manda un email pa esunnan encarga cu e maneho pero no a ricibi contesta. Awo ta pendiente bay mediador di gobierno pa yega na un solucion. Sr. Geerman a bisa tambe cu manera cosnan ta actualmente e ta kere e empleadonan lo bay den accion mayan atrobe.
Algun di e cambionan den procedura di siguridad ta encera ristamento den auto y tasnan di empleado y tambe cambio den locual ta uzo di auto di compania, cual nan no a wordo informa di dje.
