Eminem ya a pidi Rihanna disculpa pa un diss bieu cu a leak, bisando sorry riba su cantica nobo ‘Zeus’, pero e ta bayendo mas leu pa mustra con sorry e ta.
Shady a papia tocante e pida di ‘Things Get Worse’ cu a leak durante un entrevista cu SiriusXM dialuna, bisando cu e no tin ningun recuerdo di graba e verso den cual e ta rap cu e ta para banda di Chris Brown… tiki despues cu Brown a ataca Rihanna na 2009.
E verso controversial – “Mi no ta hunga, Rihanna, unda bo a haya VD? [red. Violencia domestico]/ Laga mi agrega mi dos cen/ Claro mi lo tuma banda di Chris Brown/ ami lo bati un p— tambe/ Si e duna mi penis un grawata awo.” El a elimina esaki di e version final di su colaboracion cu B.o.B.
E rapper a bisa cu el a bisa su manager despues di e leak cu e no tabatin idea con un persona a hay’e, pero tambe ta bisa: “Mi tin cero recuerdo di hasta a haci e verso ey.” Eminem a agrega: “E schema di rima no ta ni zona familiar pa mi. Pues mi tabata sorprendi tambe. Mi tabata manera, ‘wtf!? Mi a bisa esey?’”
Shady ta bisa cu esey no ta un excuus y ta referi na su mes como ‘estupido’ pa graba e verso, pero ta bisa cu e tempo ey e tabata siñando con pa rap back pa motibo di su problemanan cu adiccion. E ta bisa cu e ta kere cu el a djis bay p’e pasobra e ta rima, pero a agrega cu e mester a pens’e miho.
Riba ‘Zeus’ Eminem ta adresa Rihanna directamente cu e letra: “Y di curason, disculpa, Rihanna/ pa e cantica ey cu a leak, mi ta sorry Ri/ No tabata intencion pa causa bo dolor.”
Ta zona como cu e ta dispuesto pa drecha e situacion, pero ainda no ta cla si mescos ta conta pa su disputa cu Snoop Dogg.
