Den un comunicado Marlon Croes, Director di Departamento di Obranan Publico (DOW) ta informa cu desde un siman y mey pasa trabounan a inicia na misa di playa, pa cual e contratista CVC lo ta ehecutando un par di renobacionnan.
E trabou a encera embeyecemento rond di misa di Playa, y tambe lo drecha e parti caminda e busnan di ruta Noord, ta para, entre otro. Ya pa par di dia por a mira cu a kibra e asfalt unda e busnan ta para dilanti misa normalmente.
Embeyecemento pa aniversario di misa
E trabounan ta andando y DOW ta sigui e avance di e trabounan di cerca pasobra tin un meta cual ta, pa october ora cu e misa ta bay cumpli 100 aña, lo tin e prome fase cla y den bon condicion. Asina cu e celebracion pasa, por sigui cu e fase dos y tres pa termina e trabou, cual ta premira cu lo finalisa prome cu december.
