Mandando señal na aliado NATO
(AP) — Embahador Mericano a tene un bandera Mericano halto mientras el a marcha den e para anual di Pride na Warsaw diasabra, un mensahe cla di e oposicion di Washington na discriminacion den un pais unda hende LGBTQ+ ta enfrenta un lucha dificil.
“America ta sostene igualdad,” embahador Mark Brzezinski a bisa mientras el a marcha cu mas di 30 otro miembro di Embahada Mericano hunto cu representantenan di Canada, Austria y otro pais occidental den e Parada di Igualdad.
Den añanan recien, gobiernonan occidental ta alarma mientras gobierno conservador na Warsaw a mustra hende gay, lesbiana, bisexual y transgenero como un menasa na e nacion y su muchanan.
E participacion di e embahador Mericano ta manda un mensahe cla na e gobierno Polaco, un miembro di NATO den e frontera oriental di e aliansa, unda Merca a aumenta su presencia militar desde e invasion Ruso na Ucrania aña pasa.
Polonia pa decadas a considera Washington su garantia clave pa seguridad, pero e importancia di proteccion Mericano a aumenta cu e guera na otro banda di su frontera na Ucrania. Merca tambe ta ser mira como un garantia di proteccion pa comunidad LGBTQ+, cual algun aña atras tabata luchando pa e derecho pa union homosexual of matrimonio, pero recientemente ta mas preocupa pa un clima di hostilidad for di gobierno y Iglesia Catolico.
